لو رجعت................

لو رجعت ابص فى مرايتى لسنين
حلقى بنت الحلم خضرها الحنين
وابتسامتها اللى من لون السما
والمشاعر قصة حلوة ملهمة
واغترابى عن عيونك كان سراب
كنتى جوه الحلم اطراف السحاب
ليه بحبك
آه بحبك
ياللى ربيتى ف قلبى حضن طين
وتلال انين
غربتى عنك ملامة
نفسى ارجع بالسلامة
جوه حضنك وبدفاكى استكين
كنت بحلم
كنت برسم
صورة حلوة لليوم الكبير
خطوة حرجع فيها اركع ع الجبين
يومها لما دموعى تنزل شوق اقول
راجعة تانى
للحكاوى والامانى
والليالى والاغانى
نادرة اولع لك عيدانى ف الحسين
وارسم الحكايات ف حيطة سطح بيت
كان صغير
بس عامر بالحنين
عمره ما اتأثر بدوران السنين
عاوزة اشم روائح الذكرى ف بيتك جدتى
تحكى قصة الم بيها غصب عنى وحدتى
نرسم البسمه معايا ف فرحتى
تطوى همى فوق كفوف راحة بدن
مرة واحدة احس بحضن بيت ....اسكن وطن
يضمنى ضمة يادوب توجع ضلوعى
ما تهزنيش
تقوى فيا الصبر وتخفف همومى
ما تودينيش
هناك ادور ع الوطن
وادخل ف توهان الزمن
شايل شجن
هربان واحلامى ف قفص
ده كان وطن....:::؟؟؟؟؟
ده كاااااااااااااااااااااااااااااان ...........................وطن
اقصد اقول ..................حلم بوطن


وصحيت

المغنواتى

غنى وقال ...... ححلم مطر
وألمح خضار الحرف ف أحلام الوتر
واسمع ف لحن الروح حكاية مُنتظر
غنى ف سنين عمره القديمة كل شىء
ف نغم جرىء
وحلم بقلبه إنه طال عرش السما
ليه إنحنى
يمكن عشان نغمه ماكانش ف يوم ماليه
ولا حاكيه
ولا سنين احلامه كانت متعبة
وحلم مطر
ف جفاف حروفففففه الطيبة يحلم مطر
وخضار شجر
ويبل ريقه من ندى حلمه البعيد
كائن وحيد
ومفيش مفر
غير انه بس
يمسك وتر
يعزف قدر
يحلم مطر
ودموع حنينه يادوب تتوه ويا الوطر
اصده ياناس
يحلم مطر

اصالة عشق

الى العاشق دكتور جمال

من تبقى كلمات من مطر فى زمن بلا واحات لابد وانها تحمل براءة الروح وبراعة البوح وحنين الذكريات وخبايا الامسيات وكل الامنيات

من تبقى مرفأ الروح وعطر اوراق شجر تتبتل بروائح المطر وتتندى بجمال لا يراه الا من اصطفته من البشر ليست كأى حكاية بل هى اصل الحكايا

فقط سيبقى رسما حفر فى ملامح الروح قبل القلب وبدا على ملامح الوجه قبل الضياء وترسخ فى كرة الاحلام كمنتهاهاهنا منتهى الاحلام

وعطر التراب والمطر

واصالة الحلم والعشق والوطر

عندما تبلل قطرات الندى تراب قريتنا وتجرنا الاقدام لنقوم بجولة فى جنبات الخضرة الندية نتنسم هذه الرائحة الجميلة الغريبة تزينها زهور من انواع مختلطة بين الليمون والفل والياسمين واخريات لا تتمايز بل تتناغم فى اشراقة جميلة تزين الروح وتشرق الشمس فى جنبات الروح قبل الطرقات ونشرق فيها وبها بجمال لا نهائى ونعشق نعشق كل ما هو حولنا من صفاء نفتقده كثيرا فينا فهل غفونا عن ملامحنا الحقيقية لحظات ام ان الغفوة انتهت فى لحظة ما هنا

شكرا لحروف العاشق ان ايقظتنى للحظات

مازال هناك حقا من يستطيع ان يخنق الحزن ولو للحظات

شكرااااااااااااااااااااا